Казанда Корбан гаете

Татарстан башкаласында төп Корбан гаете намазы Кол Шәриф мәчетендә укылды. Анда республика президенты Рөстәм Миңнеханов, Казан мэры Илсур Метшин да булды, фотокамералар белән күпчелек мәгълүмат чаралары кертелмәде, халыкның керүе дә чикләнде, мәчетне дистәләгән полиция хезмәткәре чорнап алды. Гаетне Татарстан казые Җәлил хәзрәт Фазлыев алып барды. Намаздан соң Мәрҗәни, Казан нуры кебек мәчетләрдә корбан чалу эше башланды.