Ураза аенда Чаллы мәчетләреннән яңгыраган азан тавышына ризасызлык белдерүчеләр булган. Кайберәүләр азанның комачаулык итүе хакында шәһәрдәге урыс матбугатына, мәчет әһелләренә мөрәҗәгать иткән. Вазгыятькә аңлатма бирүне сорап без Татарстан Диния нәзарәтенең Чулман төбәге казые, "Ак мәчет" имам-хатыйбы Рөстәм хәзрәт Шәйхелвәлигә мөрәҗәгать иттек.